ОГЛЕДАЛО
Што е љубовта?
Дали е кога некој ќе ти нацрта црвено срце,
и ќе ти го подаде тајно?
-Не е! Ми велеше тетка ми.
-Јас го сакам мојот човек и без да ми црта срце.
Баба ми за нив велеше дека
во очите им се гледа љубовта.
Често ги загледував и не можев да ја видам.
Тие се смееја...
-Не е таму , тука е... покажуваше на градите..
-Тука ме гори, се потиш.. лицето ти сјае,
од очите ти светкаат искри..
Сега често се гледам во огледало.
Comments
Post a Comment