ПОНЕДЕЛНИКУ, ОДИ ПО ЃАВОЛИТЕ

-

Понеделниците знаат да бидат многу тешки. Знаете, понеделник прв ден на работа после викенд. Барем за повеќето. За некои не се знае ни празник ни делник. Овој понеделник за мене не беше работен. Ни претходниот. Ниту деновите измеѓу. Имав "слободни" денови. А денови ли се денови кога од утро до вечер со едно легнуваш со истото стануваш. Како да ја победиш оваа злобна болест која ти го онеспособува телото, ти го напаѓа организмот и ти го заробува умот. Но тоа е друга приказна која ќе ви ја раскажам некој друг ден. Кога ќе бидам подготвена. Можеби некој друг понеделник. Или среда, за да биде среќна. Не знам кога ама не денеска. Денеска ќе ви раскажам за понеделников. Понеделников кој ми беше претежок. Ме уништи, како да дотраев веќе. Како да ми ја исцица целата енергија која и онака малку ја имав. Како да сакаше да ми каже дека ништо не е готово и дека допрва почнува мојата борба Борбата која како што можам да видам ќе ја водам сама. Борбата да успеам да ги соберам илјадниците парчиња на кои ми се распарчи душата. Како да сакаше да ми каже дека срцето допрва ќе ме боли за сé што беше и сé што можеше да биде поинаку. Понеделников беше толку мизерен обидувајќи се да ми покаже дека ништо нема да е како порано. Толку се трудев да се кренам, а тој упорно ме притискаше надолу. Ме газеше по лицево со чизмите извалкани од дотраениот снег измешан со кал притискајќи со целата сила. На моменти помеѓу солзите му се смеев на глас. Сакав да му покажам дека ништо не ми може. А во себе се плашев до смрт. Понеделнику те мразам од дното на душата. Денеска ме направи толку беспомошна и безнадежна. Денеска никој не ме праша како сум. И кога мислев дека си ме победил стигна мојата надеж. Денеска конечно успеав да соберам сила да ја искапам мојата прекрасна 3 годишна ќерка. И додека ги чистев тие мали ноктиња од бескрајната игра во паркот и кога и последното беше чисто бело, таа ме погледна со восхит и прегрнувајќи ми рече: Вауу мамо ти си суперхерој! За едно мало бело чисто нокте. Успеав! 

Понеделнику, оди по ѓаволите! И кажи му на следниот да се подготви добро, го чекаат две суперхероини!







Comments

Post a Comment

Popular posts from this blog

ДА ТЕ САКАМ, МАЛКУ Е

-
Image
Уште во сонот кога те видов знаев дека те сакам повеќе од сé на светов. Кога првпат те запознав имав толку многу да ти кажам, но не успеав ништо да изустам. Само те гледав. Можев со часови и со денови така. Толку блиску, а толку далеку. Сакав да те допрам, да те помирисам, да те држам во прегратка. Да ти кажам колку те сакам. Како минуваа деновите повеќе те сакав, на секоја наша средба се радував како мало дете. И сакав да трае и да трае. Можеше светот да запре за миг, сите реки да пресушат, сите вулкани да се разбудат, сите птици да престанат да пеат, денот во ноќ да се претвори, јас тебе ќе те гледав. Тој поглед можеше да го поматат само солзите од очиве што ми те гледаат. Има ли љубов, љубов најголема? Има ли љубов друга? Љубов од оваа посилна? Што ми дава сила планини да поместам, од пепелта да се издигнам, со ноќи да не спијам, со сиот свет да се борам, за тебе да постојам. Има ли? И кога сé ме боли, и кога надеж немам, и кога душата ми гори, јас за тебе живеам. Да те сакам, малк
Read more

Скопје, додека силно те сакам имам најмалку 22 причини да те мразам

-
Image
  Тргнавме. И лани врнеше кога се враќавме од одмор, исто и сега. Крупен летен дожд, капки вода што паѓаат пребрзо за да ги изброиш. Си помислив, ништо страшно. Момчево мое секогаш вели дека тоа е бериќет. Го отворив прозорот и гледав надвор. Беше преубаво. Морето мирно, сино, се разлеало до недоглед, а во него капки како зрна грозје паѓаат.. Прекрасна глетка која мораше да се овековечи. Го земав телефонот и направив неколку добри фотографии. Гледајќи во нив си помислив колку е само убаво, дождот некаде е рај за очи и мир за душата. А не како кај нас! Мислев на синоќешното невреме во Скопје за кое прочитавме вечерта, ама само за дождот кој направил хаос низ улиците, и ништо повеќе. Само толку, дожд и сообраќаен метеж. (Вечерта легнавме рано, затоа што утредента нѐ чекаше пат, и не претпоставувавме што се случило) Еј супер, сега ќе ги ставам сликите на социјалните мрежи и тоа баш со овој текст: “Некаде и кога врне е убаво!” Отворив фејсбук и … занемев, цела страна едно те и
Read more

ЧАЈ ОД МАЈЧИНА ДУШИЦА И СПОМЕНИ

-
Image
Потоната во сопствените мисли заборавив дека ставив вода за чај. Водата веќе вриеше, чајникот свиреше, а моите мисли се средуваа полека. Ја тргнав водата од оган и за миг подзастанав. Каков чај да ставам? Вчера ги ставив последните цветови липов чај. Чај од лушпи од орев и лушпи од кромид ми е повеќе како лек за грло, сега ми треба чај да си ја стоплам душата. Планинскиот одамна заврши, ванила и јагода ми звучеше премногу оптимистички. Го отворив делот во кујната каде вообичаено чувам различен чај во кесички. Чај за мирен сон, чај за добра ноќ, црн чај.. па добро има ли нешто за во попладневни часови кога си сам со своите мисли и сакаш да уживаш во тишина? Еве го! Уште една кесичка остана. Чај од мајчина душица. Ја земав кесичката и ја ставив во жешката вода. Си реков додека чајот "се направи" ќе одам да ги извадам алиштата од пералната, да ги ставам во сушарата и да наредам нова облека за перење. Кога се вратив како чекорев кон трпезаријата чувствував опоен мирис. Мирис на м
Read more